У Вікіпедыі ёсць артыкулы пра іншых асоб з прозвішчам Сідарэнка. Васіль Аляксеевіч Сідарэнка (14 студзеня 1911, Касторнае, Варонежская губерня — 18 студзеня 1978, Курск) — удзельнік Вялікай Айчыннай вайны, Герой Савецкага Саюза.
Скончыў 4 курсы Днепрапятроўскага горнага інстытута. Працаваў на шахце, потым у горадзе Варонеж на заводзе «Электрасігнал».
У Чырвонай Арміі з мая 1942 года. У 1943 годзе пайшоў на фронт. Вызначыўся ў ліпені 1944 года каля Паставаў. Са снежня 1944 года ў запасе. Жыў у горадзе Курску. Працаваў старшынёй абласнога камітэта прафсаюза работнікаў харчовай прамысловасці.
Быў ганаровым грамадзянінам горада Паставы, дзе яго імем названа адна з вуліц[1][2].