У Вікіпедыі ёсць артыкулы пра іншых асоб з прозвішчам Качалаў.
У Вікіпедыі ёсць артыкулы пра іншых асоб з прозвішчам Шверубовіч. Васіль Іванавіч Качалаў (сапраўднае прозвішча — Шверубовіч, 30.1(11.2).1875, Вільня — 30 верасня 1948, Масква) — савецкі акцёр, народны артыст (1936).
Па паходжанні беларус. Нарадзіўся ў сям’і святара. Студэнтам юрыдычнага факультэта Пецярбургскага ўніверсітэта займаўся ў тэатральным гуртку. Працаваў у Тэатры А. С. Суворына (Пецярбург, 1896-97), Таварыстве М. М. Барадая (Казань, Саратаў, 1897—1900). З 1900 — у трупе Маскоўскага Мастацкага тэатра. Качалаў валодаў выключнай артыстычнасцю, велізарным сцэнічным абаяннем, рэдкім па музычнасці голасам.
Качалаў выступаў на эстрадзе з выкананнем вершаў і прозы, а таксама літаратурна-музычных і драматычных кампазіцый (аўтарам якіх быў ён сам), граючы часам сцэны з удзелам некалькіх персанажаў — з «Юлія Цэзара», «Гамлета» Шэкспіра, «На дне» Горкага, і інш. Сталінская прэмія (1943). Узнагароджаны 2 ордэнамі Леніна і ордэнам Працоўнага Чырвонага Сцяга.