Ван Аньшы, ці Ван Цзэфу (1021—1086) — дзяржаўны дзеяч Кітая, вучоны, пісьменнік.
У 1069 саветнік пры двары, у 1070—74 і 1075—76 — 1-ы міністр. Увёў новы кадастр з мэтай упарадкавання падатковай сістэмы, дзяржаўнага крэдытавання сялян пад ураджай, рэкруцкі набор, спрабаваў рэгуляваць рыначныя цэны. Рэформы адпавядалі інтарэсам дробных і сярэдніх памешчыкаў, часткова сялян. У выніку супрацьстаяння буйных феадалаў большая частка рэформ Ван Аньшы ў 1085 была скасавана.
Аўтар прац па тэалогіі, гісторыі кітайскай літаратуры.