Ванавара (руск.: Ванава́ра) — сяло ў Эвенкійскім раёне Краснаярскага края Расіі. Утварае сельскае паселішча сяло Ванавара як адзіны населены пункт у яго складзе. Да 2004 года з’яўлялася адміністрацыйным цэнтрам Тунгуска-Чунскага раёна. Размешчана на рацэ Падкаменная Тунгуска (прытоку Енісея), у вусці ракі Ванаваркі, за 685 км на поўнач ад Краснаярска. За 60 км ад Ванавары знаходзіцца месца падзення Тунгускага метэарыта.
Насельніцтва — 2887 чал. (2020). Цэнтральная сядзіба Тунгускага запаведніка. За 2 км на паўночны ўсход — аэрапорт.