wd wp Пошук: ⬜

Валянцін Цімафеевіч Мыслівец

У Вікіпедыі ёсць артыкулы пра іншых асоб з прозвішчам Мыслівец.

Валянцін Цімафеевіч Мыслівец (9 мая 1937, Хазянінкі, Пухавіцкі раён — 25 чэрвеня 1993) — беларускі пісьменнік[1].

Біяграфія

Скончыў тэхнічнае вучылішча ў Мінску (1956) па спецыяльнасці майстар-будаўнік. Служыў у марскіх пагранічных часцях (1956—1957 гг.). Працаваў мантажнікам у Мінскім будаўніча-мантажным упраўленні радыёфікацыі (1958), мадэльшчыкам на заводзе аўтаматычных ліній (1959—1964). З 1965 г. — літсупрацоўнік рэдакцыі «Чырвоная змена». Скончыў БДУ (1967). Член СП СССР (з 1967). Працаваў у газеце на Беларускім радыё (1967—1976) і тэлебачанні (1976—1980), з 1981 года ў часопісе «Полымя». З 1983 года літкансультант «Сельскай газеты», у 1987—1988 — начальнік аддзела Беларускага фонду культуры.

Творчасць

Друкаваўся з 1962 г. Пісаў пра рабочых, ваенныя гады[1].

Творы

Аўтар некалькіх зборнікаў прозы і дакументальнай аповесці пра 16 дукорскіх партызанаў[1].

нарысы «Калі табе камсамолец імя» (1966)
зборнік прозы «Дубы не молчат» (1967)
аповесць «Посланец Балтики» (1969)
зборнік прозы «Мои заводчане» (1969)
зборнік прозы «Горячая сталь» (1971)
зборнік прозы «Рабочие люди» (1973)
зборнік прозы «Крылатый конвейер» (1975)
зборнік прозы «Портреты знакомых» (1976)
раман «Мужанцы» (1982)
зборнік прозы «Каханне на золаку» (1986)
дакументальная аповесць «Выгнанне грэшнікаў» (1990).

Зрабіў літаратурны запіс кніг М. Куско «С именем Ленина в сердце» (1967), І. Макарэвіча «Гаспадар на зямлі» (1989).

Зноскі

1 2 3 т. 5. Биографический справочник. Мн: Издательство «Белорусская советская энциклопедия» имени Петруся Бровки, 1982. 29 с.

Літаратура

т. 5. Биографический справочник. Мн: Издательство «Белорусская советская энциклопедия» имени Петруся Бровки, 1982. 29 с.