Валерый Піліпавіч Гаранькоў (нар. 29 мая 1941, г. Чэрыкаў, Магілёўская вобласць) — беларускі фармаколаг, арганізатар фармацэўтычнай справы. Доктар фармацэўтычных навук (1989), прафесар (1989).
Скоячыў Віцебскі дзяржаўны медыцынскі інстытут (спецыяльнасць «Фармацыя», 1964), 1-ы Маскоўскі дзяржаўны медыцынскі інстытут імя І. М. Сечанава (аспірантура, 1971).
Працаваў у Віцебскім дзяржаўным медыцынскім інстытуце (1964—1972), Беларускім інстытуце ўдасканалення ўрачоў (1973—1992, дацэнт, загадчык кафедры арганізацыі і эканомікі фармацыі), Беларускай рэспубліканскай ВА «Фармацыя» (1992—1995, 1997—1998, генеральны дырэктар), ЗАТ «Белфармінтор» (1995—1997, дырэктар), ЗАТ «Малкут» (1999—2002), Беларускім дзяржаўным універсітэце (з 2002, хімічны факультэт, кафедра радыяцыйнай хіміі і хіміка-фармацэўтычных тэхналогій, прафесар, у 2002—2007 — загадчык кафедры).
Навуковыя інтарэсы: лекавае забеспячэнне; аптэчная служба; фармацэўтычны рынак; медыцынскія кадры; медыцынская інфарматыка.
Значок «Выдатнік аховы здароўя» (1984), ганаровыя граматы Міністэрства аховы здароўя Рэспублікі Беларусь (1991, 2001), Рэспубліканскага камітэта Беларускага прафсаюза работнікаў аховы здароўя (1991), Рэспубліканскага камітэта Беларускага прафсаюза работнікаў аховы здароўя (1991) і інш.