wd wp Пошук: ⬜

Валерый Паўлавіч Сердзюкоў

У Вікіпедыі ёсць артыкулы пра іншых асоб з прозвішчам Сердзюкоў.

Вале́рый Па́ўлавіч Сердзюко́ў (нар. 9 лістапада 1945, в. Харошаўка, Гомельская вобласць, Беларусь) — расійскі гаспадарчы і дзяржаўны дзеяч, губернатар Ленінградскай вобласці.

Біяграфія

Скончыўшы школу, працаваў геадэзістам ў Якуціі.

Прайшоў службу ў Савецкай арміі.

З 1962 года быў рабочым завода «Гомсельмаш», з 1967 года працаваў у «Варкутавугаль».

З 1970 года знаходзіўся на камсамольскай і партыйнай працы, даслужыўся да пасады першага сакратара Варкуцінскага гаркама КПСС, абіраўся дэпутатам Дзяржаўнага Савета Рэспублікі Комі, Варкуцінскага гарадскога савета народных дэпутатаў.

У 1987 годзе скончыў Ленінградскі горны інстытут імя Пляханава.

З 1990 года намеснік генеральнага дырэктара аб’яднання «Варкутавугаль».

Кандыдат эканамічных навук.

У 1996 годзе быў прызначаны віцэ-губернатарам Ленінградскай вобласці па прамысловасці, паліўна-энергетычнаму, лясному комплексу і прыродакарыстанню.

У 1998 годзе — першы віцэ-губернатар Ленінградскай вобласці.

З 21 верасня 1998 года па 19 верасня 1999 г. выконваў абавязкі губернатара Ленінградскай вобласці, бо губернатар Вадзім Густаў быў прызначаны намеснікам Старшыні Урада Расійскай Федэрацыі.

19 верасня 1999 г. абраны губернатарам Ленінградскай вобласці, перамогшы свайго былога кіраўніка Вадзіма Густава, 21 верасня 2003 г. пераабраны на другі тэрмін.

2 лістапада 2005 года ўступіў у партыю «Адзіная Расія».

Член Дзяржаўнага савета Расійскай Федэрацыі. З 17 верасня 2001 г. па 12 сакавіка 2002 года і з 16 сакавіка 2007 года па 24 верасня 2007 г. уваходзіў у склад прэзідыума Дзяржаўнага савета Расійскай Федэрацыі.

21 чэрвеня 2007 г. паставіў перад Прэзідэнтам РФ Уладзімірам Пуціным пытанне аб даверы. 6 ліпеня Уладзімір Пуцін унёс кандыдатуру Сердзюкова на зацвярджэнне на пасадзе губернатара Ленінградскай вобласці. 9 ліпеня 2007 г. ён быў зацверджаны на гэтай пасадзе дэпутатамі Заканадаўчага сходу і афіцыйна заступіў на пасаду.

11 мая 2012 года Прэзідэнт Расіі Уладзімір Пуцін прыняў адстаўку Валерыя Сердзюкова з пасады губернатара Ленінградскай вобласці; указ уступіў у сілу 28 мая 2012 года[1].

Зноскі

↑ Президент принял отставку губернатора Ленинградской области Архівавана 28 сакавіка 2015.

Спасылкі