Валерый Аляксандравіч Еравенка (нар. 2 сакавіка 1950, горад Кіраў, Расія) — беларускі матэматык. доктар фізіка-матэматычных навук (1996, Спектральныя і фрэдгальмавы ўласцівасці лінейных аператараў у банахавых прасторах), прафесар (1996).
Скончыў БДУ (1972), дзе і працуе. Навуковыя працы прысвечаны функцыянальнаму аналізу, спектральнай і фрэдгальмавай тэорыі аператараў, дыферэнцыяльным раўнанням. Атрымаў абагульненні класічнай тэарэмы Вейля аб істотным спектры на новыя класы несамаспалучаных дыферэнцыяльных лінейных аператараў у лебэгавых прасторах і на аналітычныя функцыі ад абмежаваных лінейных аператараў у банахавых прасторах.