Важуд — возера ў Столінскім раёне Брэсцкай вобласці, за 39,5 км на паўночны ўсход ад горада Столін, за 1,1 км на паўночны захад ад вёскі Аздамічы, адносіцца да басейна ракі Прыпяць.
Плошча паверхні 0,019 км², даўжыня 0,65 км, шырыня 0,04 км. Даўжыня берагавой лініі 1,45 км. Возера старычнага тыпу, серпападобнай формы. На захадзе каналам злучана з сістэмай меліярацыйных каналаў і праз яе з Прыпяццю. Мясцовасць нізінная, часткова пад хмызняком, пакрыта густой сеткай меліярацыйных каналаў.