Вадзім Іосіфавіч Біндлер (7 сакавіка 1958, Мінск ) — беларускі савецкі спартсмен-акрабат. Майстар спорту СССР міжнароднага класа (1976)[1].
Скончыў Беларускі інстытут фізічнай культуры ў 1979 годзе. З 1979 г. у СК ЧБВА. Абсалютны чэмпіён свету і Еўропы (1980, Познань, Польшча), чэмпіён свету (1976, Саарбрукен, ФРГ). Абсалютны чэмпіён Еўропы (1978, Рыга), чэмпіён Еўропы (1979, Сегед, ВНР). Абсалютны чэмпіён СССР (1977, 1979). Пераможца усесаюзных спаборніцтваў. Першы ў свеце выканаўца трайнога сальта назад (1974)[1].