Вадано́ска, Генка[1] — рака ў Клічаўскім раёне Магілёўскай вобласці Беларусі, правы прыток ракі Сушанка (басейн Бярэзіны).
Даўжыня ракі 10 км. Плошча вадазбору 54 км². Сярэдні нахіл воднай паверхні 1,2 ‰. Пачынаецца за 4 км у напрамку на поўнач ад пасёлка Лясны, вусце за 2 км на поўдзень ад вёскі Усакіна. Вадазбор у межах Цэнтральнабярэзінскай раўніны. У вадазборы і па берагах пераважае забалочаны лес. У вярхоўі — балота Астравы-Дулебы (урочышча Вялікае Дулебскае).