Бяле́, Бяляны, Бяляны-Эзерс — возера ў Браслаўскім раёне Віцебскай вобласці, на мяжы з Латвіяй. Знаходзіцца за 13 км на паўночны захад ад горада Браслаў, за 2 км паўночны захад ад вёскі Урбаны, у басейне ракі Дрысвята.
Плошча паверхні 0,92 км². Даўжыня 1,67 км, найбольшая шырыня 0,95 км. Даўжыня берагавой лініі 4,8 км. Плошча вадазбору 7 км².
Схілы катлавіны на захадзе і ўсходзе невыразныя, на поўдні вышынёй 10—15 м, разараныя, на поўначы да 7 м. На ўсходзе і захадзе забалочаная пойма (шырыня да 200 м), месцамі пад лесам.