Бягле́ц — возера ў Глыбоцкім раёне Віцебскай вобласці, на паўднёва-ўсходняй ускраіне горада Глыбокае, у басейне ракі Бярозаўка.
Плошча паверхні 0,07 км². Даўжыня 0,39 км, найбольшая шырыня 0,25 км. Даўжыня берагавой лініі 1,05 км.
Схілы катлавіны да 10 м, разараныя, на поўначы да 3 м, пад лугам. На паўднёвым усходзе забалочаная пойма. На паўднёвым усходзе ўпадае ручай з возера без назвы, на паўночным захадзе выцякае ручай у возера Кагальнае.