Бюст Андрэя Андрэевіча Грамыкі — помнік у Гомелі, размешчаны па Савецкай вуліцы, у скверы імя А. А. Грамыкі. Устаноўлены ў 1983 годзе ў Піянерскім скверы ў гонар савецкага дзяржаўнага і партыйнага дзеяча, міністра замежных спраў СССР, двойчы Герой Сацыялістычнай Працы Андрэя Андрэевіча Грамыкі, які нарадзіўся на тэрыторыі Гомельскай вобласці. Аўтары — скульптар І. Рукавішнікаў, архітэктары А. Клімачкін, М. Пасохін. Помнік уяўляе сабой бронзавы бюст вышынёй 1,1 м устаноўлены на 3-метровым пастаменце[1]. У 2009 годзе Піянерскі сквер быў перайменаваны ў гонар Грамыкі[2].