Бэці Мэрыён Уайт (англ.: Betty Marion White, 17 студзеня 1922, Оўк-Парк — 31 снежня 2021, Лос-Анджэлес) — амерыканская актрыса, камедыянтка і тэлевядучая, найбольш вядомая па сваіх ролях у тэлесерыяле «Залатыя дзяўчынкі». Шоу Мэры Тайлер Мур". З 2010 па 2015 год Уайт грала ролю Элкі Астроўскі ў сіткоме «Красуні ў Кліўлендзе», за якую атрымала дзве «прэміі Гільдыі кінаакцёраў ЗША за лепшую жаночую ролю ў камедыйным серыяле» і атрымала намінацыю на «Эмі» ў катэгорыі «Лепшая актрыса другога плану ў камедыйным серыяле» ў 2011 годзе. Яна таксама выпусціла некалькі кніг за перыяд сваёй кар’еры, працягласцю больш за восемдзесят гадоў.
За сваю тэлевізійную кар’еру актрыса ганаравалася шасці прэмій «Эмі» і дваццаць тры разы была намінаваная на ўзнагароду. Яна — адзіная актрыса, якая перамагла ва ўсіх магчымых камедыйных намінацыях прэміі. Яна таксама стала першай жанчынай, якая атрымала ўзнагароду ў катэгорыі «Лепшы вядучы гульнявога шоу» ў 1983 годзе, і трымае рэкорд па самым працяглым перыядзе паміж намінацыямі — першая была ў 1951 годзе, а апошняя ў 2015 годзе. У 2014 годзе, ва ўзросце 92 гадоў, яна стала найстарэйшым у гісторыі намінантам на «Эмі». Яе ўклад у тэлебачанне быў адзначаны зоркай на галівудскай «Алеі славы».
У маі 2010 года Бэці Уайт стала найстарэйшым чалавекам, які стаў вядучым знакамітага шоу «Суботнім вечарам у прамым эфіры», за выступленне ў якім яна таксама атрымала прэмію «Эмі».
Яна была актыўным абаронцам жывёл, яна адзін з зорных заснавальнікаў дабрачыннага фонду «Morris».
Бэці Уайт з’яўлялася ганаровым прэзідэнтам арганізацыі Actors and Others for Animals, у якой брала ўдзел з 1971 года.
Сярод яе кінароляў найбольш вядомыя былі ў фільмах «Лівень» (1998), «Гісторыя пра нас» (1999), «Лэйк Плэсід: Возера страху» (1999), «Прапанова» (2009) і «Зноў ты» (2010).