Бу́сяжскі сельсавет — былая адміністрацыйна-тэрытарыяльная адзінка ў складзе Івацэвіцкага раёна Брэсцкай вобласці. Цэнтр — вёска Бусяж.
Утвораны 12 кастрычніка 1940 года ў складзе Косаўскага раёна Брэсцкай вобласці БССР. З 20 верасня 1947 года ў складзе Івацэвіцкага раёна. 17 красавіка 1959 года да сельсавета далучана тэрыторыя скасаванага Грыўдаўскага сельсавета[1]. З 25 снежня 1962 года ў складзе Бярозаўскага раёна. У 1964 годзе ў адміністрацыйнае падпарадкаванне Косаўскага гарсавета перададзены 4 населеныя пункты (Гладышы, Даргужы, Лазаўцы і Сакоўцы)[2]. З 6 студзеня 1965 года ў складзе адноўленага Івацэвіцкага раёна. 16 лютага 1987 года сельсавет скасаваны, тэрыторыя далучана да Мілейкаўскага сельсавета, цэнтр Мілейкаўскага сельсавета перанесены ў вёску Бусяж[3].
На момант скасавання ў склад сельсавета ўваходзілі 8 населеных пунктаў: Була, Бусяж, Вялікі Галік, Галынка, Грыўда, Дубітава, Рацкевічы, Харошча.