Брытанская тэрыторыя ў Індыйскім акіяне (англ.: British Indian Ocean Territory) — заморская тэрыторыя Вялікабрытаніі, размешчаная ў Індыйскім акіяне на поўдзень ад Мальдываў.
Брытанская тэрыторыя ў Індыйскім акіяне складаецца з архіпелага Чагас, у які ўваходзяць 55 астравоў. Самы буйны — востраў Дыега-Гарсія (27,19 км²). Агульная плошча тэрыторыі — 63,2 км².
Заснавана ў 1965 г. у выніку вылучэння з былой брытанскай калоніі Маўрыкій.
З 1966 г. Дыега-Гарсія выкарыстоўваецца як ваенная база Вялікабрытаніі і ЗША. Астатнія астравы ненаселены.