Бружмель залацісты
Бружмель залацісты (Lonicera chrysantha) — куст, від роду Бружмель (Lonicera) сямейства Бружмелевыя (Caprifoliaceae). У дзікім выглядзе расце на Далёкім Усходзе, у лясах, далінах рэк і на горных схілах.
Батанічнае апісанне
Лістападны куст вышынёй да 2 м. Парасткі тонкія, полыя ўнутры, з карой шэрага колеру, маладыя парасткі апушаны.
Лісце простае, яйкападобнае або рамбічна-ланцэтнае, завостранае, з шырокаклінападобным або закругленым аснаваннем, даўжынёй да 12 см, шырынёй 3-5 см. Знізу маюць жосткаваласістае, а па краі раснічастае апушэнне.
Кветкі жаўтлява-белыя, са слабым водарам, даўжынёй да 2,5 см, размешчаны парамі ў пазухах лісця. Час цвіцення — май-чэрвень.
Плады — парныя шарападобныя чырвоныя ягады дыяметрам да 8 мм. Спеюць у канцы жніўня — верасні, доўга не ападаюць.
Значэнне і выкарыстанне
Дэкаратыўная расліна, асабліва прыгожа выглядае ў перыяд паспявання пладоў.
Зноскі
- ↑ Ужываецца таксама назва Пакрытанасенныя.
- ↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
Літаратура
- Деревья и кустарники СССР / Под ред. П. И. Лапина. — М.: «Мысль», 1966. — С. 538.
Катэгорыя·Бружмель
Катэгорыя·Расліны паводле алфавіта
Катэгорыя·Флора Еўразіі
Катэгорыя·Артыкулы з перасягнутай глыбінёй разгортвання
Катэгорыя·Дэкаратыўныя кусты