Бружмель Каралькова (Lonicera korolkowii) — від роду Бружмель (Lonicera) сямейства Бружмелевыя (Caprifoliaceae).
Дэкаратыўны куст. Выкарыстоўваецца ў адзіночных і групавых пасадках.
Заходні Цянь-Шань і Паміра-Алай.
У гарах на ўзлесках і ў падлеску арэхава-пладовых, лісцяных лясоў, а таксама ў зарасніках кустоў у верхняй частцы лясной зоны, радзей у субальпійскім поясе да вышыні 3000 метраў над узроўнем мора[3].
Лістападны куст да 3 м вышынёй.
Лісце да 3 см даўжынёй, шырокаяйкападобнае або эліптычнае, востраканцовае, з шырокаклінападобным аснаваннем, блакітна-зялёнае, часцей шызае.
Бутоны светла-чырвоныя. Кветкі ружовыя.
Працягласць цвіцення каля 2 тыдняў.
Плады шарападобныя, ярка-аранжавыя або чырвоныя. Спеюць у канцы жніўня — верасні.
У Галоўным батанічным садзе РАН бружмель Каралькова высажваўся двойчы ў 1957 годзе. Частка раслін сабрана на Гісарскім хрыбце, у даліне ракі Варзоб(руск.) бел., іншыя асобнікі сабраныя ў Заходнім Цянь-Шані(руск.) бел., паблізу вусця Кара-Арчы. Цвіце з канца мая па чэрвень. Пры пасеве пад зіму ўсходы з’яўляюцца вясной. Зацвітае на 3-й год[4].
У культуры з 1880 года.
Святлалюбная і зімастойкая расліна (кліматычная зона ад 4 да 9). Глеба рн 4,5—8,5[5].
Размнажаецца насеннем, тронкамі і адводкамі.
Дэкаратыўны на працягу ўсяго перыяду вегетацыі[3].