Марцін Браян Малруні (англ., фр. Martin Brian Mulroney; нар. 20 сакавіка 1939, Бэ-Кома, правінцыя Квебек, Канада) — канадскі палітык і адвакат, 18-ы прэм’ер-міністр Канады (з 17 верасня 1984 па 25 чэрвеня 1993). Ганаровы доктар юрыдычных навук.
У 1983—1993 гадах старшыня Прагрэсіўна-кансерватыўнай партыі. З 1983 года дэпутат парламента. Выступаў за цеснае эканамічнае супрацоўніцтва з ЗША. У 1988 годзе падпісаў канадска-амерыканскае пагадненне аб свабодным гандлі. Пасля рэферэндуму 26.10.1992, які не падтрымаў яго папраўкі да канстытуцыі з мэтай вырашэння пытання аб стутусе правінцыі Квебек, пайшоў у адстаўку.