Бо́брыкаўскі сельсавет — былая адміністрацыйна-тэрытарыяльная адзінка ў складзе Петрыкаўскага раёна (у 1935—1962 гадах Капаткевіцкага раёна) Гомельскай вобласці. Цэнтр — вёска Бобрык.
Утвораны 20 жніўня 1924 года ў складзе Петрыкаўскага раёна Мазырскай акругі БССР. Пасля скасавання акруговай сістэмы 26 ліпеня 1930 года ў Петрыкаўскім раёне БССР. 12 лютага 1935 года перададзены ў склад адноўленага Капаткевіцкага раёна. З 21 чэрвеня 1935 года ў Капаткевіцкім раёне Мазырскай акругі, з 20 лютага 1938 года — Палескай вобласці, з 8 студзеня 1954 года — Гомельскай вобласці. Пасля скасавання Капаткевіцкага раёна вернуты ў склад Петрыкаўскага раёна. Скасаваны 26 верасня 1974 года, тэрыторыя сельсавета далучана да Навасёлкаўскага (вёскі Заброддзе, Клясаў і Млынок) і Камаровіцкага (вёскі Белы Пераезд, Бобрык, Забінне, Замосце) сельсаветаў[1].
На момант скасавання ў склад сельсавета ўваходзілі 7 населеных пунктаў.