wd wp Пошук: ⬜

Блок нацыянальных меншасцяў

Блок нацыянальных меншасцяў (па-польску: Blok Mniejszości Narodowych, BMN) — палітычнае аб’яднанне, утворанае нацыянальнымі меншасцямі 17 жніўня 1922 году падчас выбараў у польскі Сойм міжваеннай Польскай Рэспублікі. Мэтаю БНМ было праведзенне супольнай выбарчай акцыі і наступнай дзейнасці ў сойме. Уваходзілі нацыянальныя меншасці Польшчы — беларусы, украінцы, жыды, немцы і расейцы. Да блоку не далучыліся летувісы, Бунд і частка Паалей-Цыёну. Выбары байкатавалі ўкраінцы Усходняй Галічыны. Галоўнай мэтаю блоку было нацыянальнае раўнапраўе.

У 1922 годзе (5 лістапада ў сойм, 22 лістапада — у сенат) БНМ ішоў у выбарчым спісе пад № 16, у 1928 годзе (4 сакавіка ў сойм, 11 сакавіка — у сенат) — пад № 18.

БНМ існаваў да выбараў 1928 году.

Дасягнутыя вынікі

1922 год — 66 мандатаў (беларусы — 11 паслоў і 3 сенатары)
1928 год — 55 мандатаў (беларусы — 4 паслы і 2 сенатары)

Беларускія паслы і сенатары ад БНМ

1922

Пасольскія мандаты

Антон Аўсянік (акруга № 62 — лідская)
Сяргей Баран (акруга № 6)
Павел Валошын — з ліпеня 1923 году замест Каліноўскага
Уладзімір Каліноўскі (акруга № 5) — да 23 чэрвеня 1923 году
Міхаіл Кахановіч (акруга № 61 — навагрудская) — да 1924 году
Пятро Мятла (акруга № 64 — свянцянская)
Сымон Рак-Міхайлоўскі (акруга № 62 — лідская)
Васіль Рагуля (акруга № 61 — наваградская)
Юры Сабалеўскі — з 1924 году замест Кахановіча
Адам Станкевіч (акруга № 64 — свянцянская)
Браніслаў Тарашкевіч (спіс дзяржаўны)
Сымон Якавюк (акруга № 4)
Фабіян Ярэміч (акруга № 60 — пінская)

Мандаты сенатара

Вячаслаў Багдановіч (Віленскае ваяводства)
Аляксей Назарэўскі (Наваградскае ваяводства)
Аляксандр Уласаў (дзяржаўны спіс)

1928

Пасольскія мандаты

Мандаты сенатара

Літаратура

Васіль Рагуля. Успаміны. — Мінск: «Бацькаўшчына», 1993.
Уладзімір Ляхоўскі. Зь дзейнасьці беларускіх парлямэнтарыяў на Гарадзеншчыне ў 1922—1930 гг. // Культура Гродзенскага рэгіёну: праблемы развіцця ва ўмовах поліэтнічнага сумежжа: Зб. навук. прац. — Т. 2003.

Тэмы гэтай старонкі (3):
Катэгорыя·Заходняя Беларусь
Катэгорыя·Беларускія парламентарыі Польскай Рэспублікі (1918—1939)
Катэгорыя·З’явіліся ў 1922 годзе