wd wp Пошук:
    ⬜

    Блакада ўкраінскага флоту на возеры Данузлаў

    Блакада ўкраінскага флоту на возеры Данузлаў — захоп войскам Расіі ўсіх суднаў Украінскага флоту, якія базаваліся на возеры Данузлаў ля пасёлка Наваазернага ў сакавіку 2014 года.

    Падставы

    Пасля распаду СССР і падзелу Чарнаморскага флоту СССР, украінскаму боку адыйшла ў тым ліку і ваенная база ля пасёлку Наваазёрнае (што на возеры Данузлаў). З-за асаблівасці возера (дакладней яго геаграфічнага размяшчэння), было прынятае рашэнне аб далейшай эксплуатацыі гэтай марской базы.

    Возера Данузлаў (у цэнтры) на карце Крыму

    Паводле некаторых дадзеных, прыкладна палова ўкраінскага ваенна-марскога флоту базавалася на Крымскім паўвостраве, большай часткай на возеры Данузлаў[крыніца?].

    З моманту пачатку ўвядзення расійскіх войск на тэрыторыю Крыму адной з асноўных мэтаў Расіі стала ліквідацыя пагрозы з боку ўкраінскага флоту на Чорным моры. З гэтай прычыны было прынятае рашэнне аб блакадзе ваеннай базы флоту ў Наваазёрным, і не даць магчымасці выкарыстаць караблі, што знаходзіліся ў гэтай мясцовасці, а па магчымасці далучыць іх да складу Чарнаморскага флоту Расіі[крыніца?].

    Мэты блакады

    Храналогія

    1 сакавіка

    А 17:20, Дзяржаўная дума Расійскай Федэрацыі падтрымала прапанову прэзідэнта Уладзіміра Пуціна пра ўвод расійскіх войскаў на тэрыторыю Украіны[1].

    2 сакавіка

    Расійскія войскі заблакавалі з сушы Паўднёвую ваенна-марскую базу Украіны ля Новаазёрскага пасёлка.

    3 сакавіка

    Камандуючы Чарнаморскага флоту Расійскай Федэрацыі Аляксандр Вітко прыехаў на базу з патрабаваннем да камандавання аб яе здачы. Атрымаўшы адмову, ён накіраваў у Данузлаў расійскі крэйсер «Масква»[2].

    5 сакавіка

    Вялікі расійскі супрацьлодачны карабель «Ачакаў» заблакаваў праход між возерам і Чорным морам[2].

    6 сакавіка

    Расійскія войскі затапілі на выхадзе з бухты возера 2 расійскія караблі, якія раней уваходзілі ў склад Чарнаморскага флоту Расіі, спісаны карабель «Ачакаў» і выратавальны буксір «Шахцёр». Перад гэтым апоўначы караблі Расійскага флоту, якія ахоўвалі «выхад» з возера, зняліся з якароў і адплылі прэч (у тым ліку і ракетны крэйсер «Масква»)[3].

    У пачатку першай гадзіны ночы буксіры расійскага флоту зацягнулі і паставілі на месца раней адыйшоўшых суднаў вялікі супрацьлодачны карабель «Ачакаў», спісаны з Расійскага ваеннага флоту ў 2011 годзе. «Прывязаўшы» яго да загадзя прыгатаваных «мацаванняў» («бочка» для прымацавання да яе караблёў), яны з дапамогай супрацьпажарнага катара пачалі напаўняць «Ачакаў» вадой для страты ўстойлівасці. Затым карабель заваліўся на борт, і перакрыў сабой частку праліва злучаюшчага возера з Чорным морам.

    Так як глыбіня ў месцы затаплення была ўсяго 9-11 метраў, вялікая частка корпусу затопленных караблёў засталася над вадой. «Ачакаў» стаў самай вялікай перашкодай на выхадзе з Данузлава, даўжыня незатопленнай часткі карабля склала прыкладна 100—120 м[4].

    7 сакавіка

    Расійскія войскі затапілі яшчэ адно судна — спісаны вадалазны катар «ВМ-416» водазмяшчэннем прыкладна 30-40 тонаў[5]. На той момант, заблакаванымі апынуліся[6]:

    З не ваенных караблёў:

    13 сакавіка

    Расійскія войскі затапілі ў бухце на выхадзе да Чорнага мора чацвёртае судна[7]. Такім чынам утварылася барыкада, якая заблакавала выхад з бухты шэрагу суднаў Ваенна-марскіх сіл Украіны.

    18 сакавіка

    У інтэрэв’ю РІА “Навіны” старшыня камітэта Дзярждумы Расіі па абароне (які дарэчы раней быў камандуючым Чарнаморскім флотам) адмірал Уладзімір Камаедаў сказаў[8]:

    Калі Крым увойдзе ў склад РФ, то тыя караблі, судны і катары, якія не пакінулі тэрыторыю рэгіёна, стануць расійскімі

    Пасля падвядзення вынікаў рэферэндуму можна казаць пра тое, што тыя караблі і суда, якія цяпер знаходзяцца ў Крыме, а гэта прыкладна палова карабельнага складу ВМСУ, фармальна ўвойдуць спачатку ў марскія сілы самаабароны Крыма, а затым у баявы склад Чарнаморскага флоту Расіі

    Данная заява датычылась канкрэтна баз у Севастопалі і пасёлке Наваазернам.

    Незадоўга да гэтага, непрызнаны (дакладней прызнаны толькі Расіяй) Дзяржаўны савет Крыма прыняў рашэнне аб перадачы ва ўласнасць новааб’яўленнай дзяржавы марскіх партоў паўвострава.

    Вынікі

    27 сакавіка[крыніца?] ўсе судны былі (ў тым ці іншым выглядзе) апынуліся на баку Расіі. Экіпажы захопленых суднаў былі адпушчаны, некаторыя перайшлі на расійскі бок.[крыніца?]

    Праз пару тыдняў уваход у возера Данузлаў быў разблякаваны. Некаторыя з састарэлых суднаў, па дамоўленасці, былі адпраўлены ў порт Адэсы[9].

    Зноскі

    1. ↑ http://www.pravda.com.ua/articles/2014/03/1/7016683/?attempt=1 Путін оголосив Україні війну
    2. 1 2 «Газета па-ўкраінску» Камандзіра ЧФ Расіі выгналі з базы ВМС Украіны (нявызн.). Хартыя’97 (5 сакавіка 2014). Праверана 28 студзеня 2017.
    3. ↑ http://www.unian.net/politics/893537-rossiyskie-voennyie-zatopili-korabl-pregradiv-vyihod-v-more-vms-ukrainyi-istochnik.html Российские военные затопили корабль, преградив выход в море ВМС Украины
    4. ↑ http://www.youtube.com/watch?v=Zh5iXld6a1Q#t=10 Відэа затопленнага «Ачакава» на youtube
    5. ↑ «Украінская праўда» Рускія патапілі яшчэ адзін свой ​​карабель, каб заблакаваць украінцаў (нявызн.). Радыё «Свабода» (7 сакавіка 2014). Праверана 28 студзеня 2017.(недаступная спасылка)
    6. ↑ http://charter97.org/be/news/2014/3/7/89710/ У Крыме заблакаваныя сем ваенных караблёў Украіны
    7. ↑ http://charter97.org/be/news/2014/3/13/90346/ Россияне затопили четвертый корабль у базы ВМС Украины
    8. ↑ http://top.rbc.ru/society/18/03/2014/911876.shtml Около 20 кораблей ВМС Украины могут стать российскими
    9. ↑ http://charter97.org/be/news/2014/4/19/95310/ Украінскія караблі выйшлі з разблакаванай бухты Данузлаў
    Тэмы гэтай старонкі (5):
    Катэгорыя·Сакавік 2014 года
    Катэгорыя·Артыкулы са сцвярджэннямі без крыніц
    Катэгорыя·Анексія Крыма Расіяй
    Катэгорыя·Старонкі з няправільным сінтаксісам спасылак на крыніцы
    Катэгорыя·Вікіпедыя·Артыкулы з непрацоўнымі спасылкамі