У Вікіпедыі ёсць артыкулы пра іншых асоб з прозвішчам Будар. Бена Будар (в.-луж.: Beno Budar, 19 сакавіка 1946, Віціхенаў, Германія) — лужыцкі пісьменнік, паэт, перакладчык і журналіст. Піша на верхнялужыцкай мове.
Нарадзіўся 19 сакавіка 1946 года ў горадзе Віціхенаў (Кулаў). Навучаўся ў розных лужыцкіх сярэдніх навучальных установах, у прыватнасці ў Сербскай гімназіі ў Буддзішыне. Пасля атрымання сярэдняй адукацыі паступіў на факультэт славістыкі Лейпцыгскага універсітэта, які скончыў у 1969 годзе з дыпломам спецыяліста па славянскіх мовах. У 1967-1968 гадах вывучаў русістыку ў Растове-на-Доне. З 1969 года працаваў рэдактарам у выдавецтве «Домавіна». Займаўся грамадскай дзейнасцю; у 1989-90 гадах быў у апазіцыі да Лужыцкага нацыянальнага схода.
З 1990 года па наш час з’яўляецца галоўным рэдактарам верхнялужыцкага дзіцячага часопіса «Płomjo» і з 2004 года — галоўным рэдактарам ніжнялужыцкага дзіцячага часопіса «Płomje». З 1998 года ўзначальвае лужыцкае літаратурнае таварыства «Rosenthaler».
Займаецца перакладамі са славянскіх моў.