ААТ «Беларуская калійная кампанія» — адзін з найбуйнейшых пастаўшчыкоў калійных мінеральных угнаенняў у свеце.
Размешчана ў горадзе Мінск.
Беларуская калійная кампанія (БКК) заснавана ў красавіку 2005 года Рэспубліканскім унітарным прадпрыемствам «Вытворчае аб’яднанне „Беларуськалій“» (Рэспубліка Беларусь) і адкрытым акцыянерным таварыствам «Уралкалій» (Расійская Федэрацыя). Пры гэтым акцыянерам належала па 50 % акцый кампаніі.
У маі 2008 года склад акцыянераў змяніўся, і акцыі размяркоўваюцца наступным чынам: «Уралкалій» — 50 %[1], «Беларуськалій» — 45 % і дзяржаўнае аб’яднанне «Беларуская чыгунка» — 5 %. Асноўная мэта сумеснай працы прадпрыемстваў — экспартныя пастаўкі калійных угнаенняў на сусветныя рынкі.
На наступным этапе акцыянерамі кампаніі выступілі ААТ «Беларуськалій» (48 %), «Беларуская чыгунка» (42 %) і РУП «Белэксімгарант» (10 %)[2].
Гандлёвымі аперацыямі БКК кіруе галаўны офіс, які размешчаны ў Мінску, пры садзейнічанні шасці прадстаўніцтваў кампаніі за мяжой. Рэгіянальныя прадстаўніцтвы кампаніі дзейнічаюць у Дэлі, Пекіне, Сінгапуры, Сан-Паўлу, Чыкага і Панаме.
2 снежня 2021 года Міністэрства фінансаў ЗША ўключыла БКК і яе ўкраінскае прадстаўніцтва «Аграрозквіт» у амерыканскі санкцыйны спіс[3]. У чэрвені 2022 года кампанія была ўнесена ў санкцыйны спіс ЕС[4].
БКК экспартуе калійныя ўгнаенні ў Еўропу, ЗША, Цэнтральную і Паўднёвую Амерыку, Афрыку, Азіяцка-Ціхаакіянскі рэгіён, Індыю і Кітай. Доля БКК на сусветным рынку экспарту калійных угнаенняў складае 43 працэнты.
БКК прапануе наступныя прадукты:
Пасля пападанння ў амерыканскі санкцыйны спіс, у 2022 годзе БКК пачала весці перамовы з Індыяй аб пастаўках 1 млн тон калійных угнаенняў[6].