wd wp Пошук: ⬜

Барыс Яфімавіч Кабішчар

У Вікіпедыі ёсць артыкулы пра іншых асоб з прозвішчам Кабішчар. Барыс Яфімавіч Кабішчар (сапр. Борух Хаймавіч Кабішчар, 21 ліпеня 1906, Віцебск — 11 жніўня 1959, Мінск) — беларускі дзеяч цыркавога мастацтва. Заслужаны дзеяч мастацтваў БССР (1956). Зрабіў значны ўклад у развіццё цыркавога мастацтва Беларусі.

Біяграфія

Нарадзіўся 21 ліпеня 1906 года ў Віцебску.

Дырэктар цыркаў: Віцебскага (1931—1933), Мінскага, Віцебскага, Магілёўскага, Гомельскага, Бабруйскага (1933—1941), Омскага(руск.) бел., Новасібірскага(руск.) бел., Цюменскага(руск.) бел., Свярдлоўскага(руск.) бел. (1941—1947), Мінскага (1947—1959). У 1937—1940 гадах адначасова дырэктар Гарадскога тэатра ў Віцебску.

Памёр 11 жніўня 1959 года ў Мінску ў глядацкай зале новага будынка мінскага цырка падчас рэпетыцыі першага сезону. У памяць аб ім артысты аб’явілі двухтыднёвую жалобу, а па яе заканчэнні закрылі сезон. Новы пачаўся толькі ў верасні таго ж года[1][2].

Пахаваны ў Мінску на Усходніх могілках.

Сям’я

Жонка — Соф’я Абрамаўна Кабішчар (1904—1980).
Сын — Уладзімір Барысавіч Кабішчар (1936—1985).

Узнагароды

ордэн «Знак Пашаны»,
заслужаны дзеяч мастацтваў БССР[1].

Зноскі

1 2 Борис Кабищер (руск.)
↑ История. Послевоенный и советский период (руск.)

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1998. — Т. 7: Застаўка — Кантата. — 604 с. — 10 000 экз. — ISBN 985-11-0130-3 (т. 7), ISBN 985-11-0035-8.

Спасылкі

Архітэктар будынка Мінскага цырка Уладзімір Аляксеевіч Жукаў і Б. Я. Кабішчар на агульным фота Архівавана 12 мая 2016.