Барыс Цімафеевіч Надыкто (3 верасня 1934, пас. Горкаўскае, Омская вобласць, Расія — 1986) — беларускі фізікахімік. Доктар хімічных навук (1980), кандыдат фізіка-матэматычных навук (1964), прафесар.
Скончыў Харкаўскі дзяржаўны ўніверсітэт (спецыяльнасць «Ядзерная фізіка», 1958).
Працаваў у Наваполацкім політэхнічным інстытуце (з 1974, кафедра фізікі, прафесар, у 1983—1986 — загадчык кафедры).
Навуковыя інтарэсы: фізічная хімія; хімія высокіх энергій; методыка выкладання фізікі.