У Вікіпедыі ёсць артыкулы пра іншых асоб з прозвішчам Маісееў.
Барыс Міхайлавіч Маісееў (4 сакавіка 1954, Магілёў — 27 верасня 2022) — расійскі поп-спявак, артыст эстрады, танцоўшчык, харэограф, заслужаны артыст Расіі.
Нарадзіўся 4 сакавіка 1954 года ў Магілёве, у турме. Рос без бацькі, яго маці, Геня Барысаўна Маісеева (Мойсес), была палітвязнем. Памяці маці пасля яе смерці Барыс прысвяціў песню «Глуханямое каханне», бо яна была забіта глуханямым, які памыліўся дзвярыма.
Скончыўшы школу, з’ехаў у Мінск, дзе паступіў у харэаграфічнае вучылішча. Вучыўся ў балерыны Ніны Младзінскай. Скончыў вучылішча як класічны танцоўшчык.
Працаваў у Харкаўскім тэатры оперы і балета, пачаўшы з пасады артыста і скончыўшы харэографам-пастаноўшчыкам.
У 1975 годзе з’ехаў у Каўнас, дзе танчыў у музычным тэатры. Пазней стаў галоўным балетмайстрам літоўскага аркестра «Трымітас».
У 1978 годзе стварыў танцавальнае трыо «Экспрэсія», у якім танцаваў з дзвюма дзяўчынамі. Пазней трыо перайшло працаваць у «Тэатр песні» спявачкі Алы Пугачовай.
Памёр 27 верасня 2022 года[1].
На Вікісховішчы ёсць медыяфайлы па тэме Барыс Міхайлавіч Маісееў
bmoiseev.pro — афіцыйны сайт Барыса Маісеева