У Вікіпедыі ёсць артыкулы пра іншых асоб з прозвішчам Аляксеенка. Барыс Леанідавіч Аляксе́енка (23 ліпеня 1910, г. Елісаветград, цяпер Украіна — 23 верасня 1944) — беларускі акцёр.
Вучыўся ў 1929—1931 гадах у Адэскім музычна-драматычным інстытуце імя Бетховена. Працаваў у 1-м Кіеўскім рабочым тэатры. З 1934 года ў Беларускім тэатры рабочай моладзі, з 1937 года ў БДТ-1.
Выканаўца характарных роляў: Ясь («Кацярына Жарнасек» М. Клімковіча), Мацейка («Прымакі» Я. Купалы ў спектаклі «Вечар камедый»), Фабіа («Дурная для іншых, разумная для сябе» Лопэ дэ Вэгі) і інш.