wd wp Пошук: ⬜

Барыс Іларыёнавіч Бяляеў

У Вікіпедыі ёсць артыкулы пра іншых асоб з прозвішчам Бяляеў.

Барыс Іларыёнавіч Бяляеў (нар. 16 красавіка 1945, Чалябінск, Расія) — беларускі фізік, спецыяліст у галіне спектраскапіі і оптыка-электроннага прыборабудавання. Доктар фізіка-матэматычных навук (1992), старшы навуковы супрацоўнік (1987), дацэнт (2010).

Біяграфія

Скончыў Мінскі радыётэхнічны інстытут (спецыяльнасць «Канструяванне і вытворчасць радыёапаратуры», 1969).

Працаваў у Інстытуце фізікі АН БССР (1969—1985, старшы навуковы супрацоўнік), Інстытуце прыкладных фізічных праблем імя А. Н. Сеўчанкі Беларускага дзяржаўнага ўніверсітэта (з 1985, аддзел аэракасмічных даследаванняў, з 2010 — загадчык аддзела, у 1986—2014 — загадчык лабараторыі дыстанцыйнай фотаметрыі).

Навуковыя інтарэсы: оптыка-электронныя прыборы і метады дыстанцыйнага зандзіравання Зямлі.

Узнагароды

Дзяржаўная прэмія СССР (1991), падзякі Прэзідэнта Рэспублікі Беларусь (2011), прэм’ер-міністра Рэспублікі Беларусь (2015), граматы Міністэрства па надзвычайных сітуацыях Рэспублікі Беларусь (2011), Міністэрства адукацыі Рэспублікі Беларусь (2015).

Бібліяграфія

Диссертация с грифом «Для служебного пользования».
Оптическое дистанционное зондирование / Б. И. Беляев, Л. В. Катковский. — Минск, 2006.
Аппаратура дистанционной спектрометрии / [Б. И. Беляев и др.] // Спектроскопия плазмы и природных объектов. — Минск, 2002. — Гл. 6. — С. 305—349.

Зноскі

↑ Беляев Борис Илларионович — Інстытут прыкладных фізічных праблем імя А. Н. Сеўчанкі.

Літаратура

Бяляеў Барыс Іларыёнавіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2004. — Т. 18. Кн. 1: Дадатак: Шчытнікі — Яя. — С. 358. — 472 с. — 10 000 экз. — ISBN 985-11-0295-4 (т. 18. Кн. 1), ISBN 985-11-0035-8.
Беляев Борис Илларионович // Республика Беларусь : энциклопедия : [в 7 т.]. — Минск, 2006. — Т. 2. — С. 352.