Барабуду́р (індан.: Borobudur) — будыйская ступа і звязаны з ёй храмавы комплекс традыцыі будызму махаяны. Барабудур размешчаны на востраве Ява ў Інданезіі ў правінцыі Цэнтральная Ява, 40 км на паўночны захад ад горада Джак’якарта. Барабудур будаваўся паміж 750 і 850 гадамі яванскімі кіраўнікамі дынастыі Сайлендра. Назва можа паходзіць ад санскрыцкага «віхара Буда Ур», што перакладаецца «будыйскі храм на гары». Барабудур і Прамбанан — месцы масавага турызму ў Інданезіі.