Бале́віца — возера ў Шумілінскім раёне Віцебскай вобласці, за 7 км на поўдзень ад гарадскога пасёлка Шуміліна, на поўнач ад вёскі Непароты, за 0,2 км на поўдзень ад возера Лескавічы, у басейне ракі Сечна.
Плошча паверхні 0,04 км². Даўжыня 0,34 км, найбольшая шырыня 0,16 км. Даўжыня берагавой лініі 0,82 км.
Схілы катлавіны вышынёй 15—20 м, пад хмызняком. На паўночным захадзе забалочаная пойма шырынёй да 150 м.