Бакінгемскі ўніверсітэт
Бакінгемскі ўніверсітэт (англ.: University of Buckingham) — брытанская прыватная вышэйшая навучальная ўстанова са статусам універсітэта з сядзібай у горадзе Бакінгем.
Агульная характарыстыка
Універсітэт з’яўляецца некамерцыйным прыватным універсітэтам і найстарэйшым з пяці прыватных універсітэтаў Вялікабрытаніі. Ён быў заснаваны як Бакінгемскі ўніверсітэцкі каледж у 1973 годзе і прыняў сваіх першых студэнтаў у 1976 годзе. У 1983 годзе каралеўскай граматай ён атрымаў статус універсітэта. Ён прапануе ступені бакалаўра, магістра і доктара ў пяці школах (або факультэтах).
Універсітэт быў цесна звязаны з Маргарэт Тэтчэр, якая ў якасці міністра адукацыі кантралявала стварэнне ўніверсітэцкага каледжа ў 1973 годзе, а ў якасці прэм’ер-міністра сыграла важную ролю ў павышэнні яго да ўніверсітэта ў 1983 годзе, такім чынам стварыўшы першы прыватны універсітэт у Вялікабрытаніі.
Фінансы вучэльні цалкам абапіраюцца на студэнцкія сродкі, ён не атрымлівае прамога дзяржаўнага бюджэту, хоць яго студэнты могуць атрымліваць студэнцкія пазыкі. Ён мае афіцыйны статус дабрачыннай арганізацыі як некамерцыйнай установы, прысвечанай мэтам даследаванняў і адукацыі.
Зноскі
Спасылкі
На Вікісховішчы ёсць медыяфайлы па тэме Бакінгемскі ўніверсітэт- Афіцыйная інтэрнэт-старонка ўстановы
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Універсітэты Вялікабрытаніі
Катэгорыя·Навучальныя ўстановы, заснаваныя ў 1973 годзе
Катэгорыя·Універсітэты паводле алфавіта
Катэгорыя·Бакінгем