У Вікіпедыі ёсць артыкулы пра іншых асоб з прозвішчам Штраух. Аўгуст Людвігавіч Штраух (1833 — ?) — інжынер-архітэктар[1].
Нарадзіўся ў 1833 годзе[1].
Па заканчэнні курса ў Пецярбургскім будаўнічым вучылішчы ў 1857 годзе з чынам калежскага сакратара, прызначаны ў эстляндскую будаўнічую і дарожную камісію[1].
У наступным годзе камандзіраваны на дапамогу інжынер-падпалкоўніку Цімафееву, для выраблення вышуканняў па паніжэнні гарызонту вод Чудскага возера[1]. Потым, у 1859 годзе, прызначаны начальнікам штучнага стала ў санкт-пецярбургскай будаўнічай і дарожнай камісіі, у 1861 годзе перамешчаны ў віленскую камісію, а праз тры гады прызначаны архітэктарам у Аляксандраўскі кадэцкі корпус і ўзведзены ў званне архітэктара. У хуткім часе А. Штраух заняў пасаду ковенскага губернскага архітэктара[1].
Пазней паслядоўна быў: мінскім губернскім архітэктарам (з 17 жніўня 1867), прылічаным да Тэхнічна-будаўнічага камітэту (1872) і пензенскім губернскім архітэктарам (1873)[1]. У 1874 годзе А. Штраух выйшаў у адстаўку і з таго часу жыў у Пецярбургу і займаўся там прыватнай будаўнічай практыкай[1].