Арэна Пантанал (парт.: Arena Pantanal) — новы шматфункцыянальны стадыён у горадзе Куяба, сталіцы штата Мату-Гросу (Бразілія). Спартыўны аб’ект выкарыстоўваецца пераважна для футбольных матчаў, прымаў гульні Чэмпіянату свету па футболе 2014. Будаўніцтва стадыёна цалкам завяршылася 20 чэрвеня 2013 года. Умяшчальнасць стадыёна складае 39859 чалавек. «Арэна Пантанал» пабудаваная на існаваўшым раней на яе месцы стадыёне «Жазэ Фражэлі», больш вядомым як «Вердан».