Арцеміа Франкі (італ.: Artemio Franchi, 8 студзеня 1922 — 12 жніўня 1983) — італьянскі футбольны функцыянер.
Арцеміа Франкі нарадзіўся ў Фларэнцыі ў студзені 1922 года, у 1943—1944 гг. ваяваў у італьянскіх арміі, пасля вайны працаваў выканаўчым дырэктарам у фірме Angelo Bruzzi. З 1960-х гг. стаў працаваць спартыўным мэнэджарам «Фіярэнціны».
У 1967—1976 і 1978—1980 гадах Арцеміа Франкі быў прэзідэнтам Федэрацыі футбола Італіі, у 1972—1983 гадах узначальваў УЕФА, у 1974—1983 гадах быў членам Выканаўчага камітэта ФІФА.
12 жніўня 1983 года Арцеміа Франкі загінуў у аўтамабільнай катастрофе каля Сіены. У яго гонар стадыёны ў Фларэнцыі і Сіене; таксама праводзіўся Кубак Арцеміа Франкі, названы ў яго гонар. У 2011 годзе ён быў пасмяротна ўведзены ў Залу славы італьянскага футбола.[1]