Артрады́ры (Arthrodira, Arthrodiriformes) — падклас (ці атрад) вымерлых панцырных акулападобных рыб.
Мелі цела даўжынёй да 6 м, укрытыя касцявым панцырам галаву і пярэднюю частку тулава, голы хвост. Жылі ў марскіх і прэсных вадаёмах. Вядомыя з адкладаў позняга сілуру — ранняга карбону. На Беларусі рэшткі выяўлены ў Аршанскай упадзіне ў лагунна-марскіх адкладах сярэдняга дэвону. Асобныя віды маюць стратыграфічнае значэнне.