Не блытаць з Апартэід. Апатры́ды (ад лац.: apatris і стар.-грэч.: ἄπολις — пазбаўлены бацькаўшчыны) — асобы, якія не маюць грамадзянства ніводнай краіны. Іх прававое становішча ў асноўным рэгулюецца нацыянальнымі законамі дзяржаў і міжнароднымі пагадненнямі (канвенцыі аб статусе апатрыдаў 1954, аб скарачэнні безграмадзянства 1961 і інш.), якія прадугледжваюць устанаўленне для апатрыдаў статуса іншаземцаў і льготных умоў для набыцця імі грамадзянства краіны, дзе яны жывуць.