Апарат штучнай вентыляцыі лёгкіх (апарат ШВЛ) — медыцынскае абсталяванне, прызначанае для прымусовай падачы газавай сумесі (кісларод і сціснутае асушанае паветра) у лёгкія з мэтай насычэння крыві кіслародам і выдалення з лёгкіх вуглякіслага газу.
Апарат ШВЛ можа выкарыстоўвацца як для інвазіўнай (праз інтубацыйную трубку, уведзеную ў дыхальныя шляхі пацыента або праз трахеастому), так і для неiнвазiўнай штучнай вентыляцыі лёгкіх — праз маску.
Апарат ШВЛ можа быць як ручным (мяшок Амбу), так і механічным. Сціснутае паветра і кісларод для пнеўмосілкавання механічнага апарата могуць падавацца як з цэнтральнай сістэмы газазабеспячэння медыцынскай установы або балона сціснутага паветра (пры транспарціроўцы), так і ад індывідуальнага мінікампрэсара і кіслароднага канцэнтратара. Пры гэтым сумесь газаў павінна сагравацца і ўвільгатняцца перад падачай пацыенту.
Сучасныя апараты ШВЛ з’яўляюцца вельмі высокатэхналагічным медыцынскім абсталяваннем. Яны забяспечваюць рэспіраторную падтрымку пацыента як па аб’ёме, так і па ціску.
Класіфікацыя апаратаў штучнай вентыляцыі лёгкіх праведзена ў адпаведнасці з ДАСТ 18856-81.
Дзяленне апаратаў ШВЛ па шыраце функцыянальных магчымасцяў і ўзросце пацыента
Дзяленне апаратаў ШВЛ па прывадзе і кіраванні
Дзяленне апаратаў ШВЛ па прызначэнні
Апараты ШВЛ агульнага прызначэння
Апараты ШВЛ спецыяльнага прызначэння: