У Вікіпедыі ёсць артыкулы пра іншых асоб з прозвішчам Ранвід. Апанас Іванавіч Ранвід (1806 — 1890, Пскоў) — архітэктар[1].
Нарадзіўся ў 1806 годзе[1].
З 13 кастрычніка 1844 па 1864 год займаў пасаду віленскага губернскага архітэктара[1].
З 1868 па 1883 год быў на пасадзе пскоўскага губернскага архітэктара[2].
У 1869 годзе прызначаны вытворцам прац па падтрымцы крэпасных сцен Пскова, у 1870-х кіраваў надбудовай 2 і 3 паверхаў гарадскога корпуса (паўднёвага) у Апочцы[3]. Па яго праекце зроблена прыбудова да будынка Духоўнай кансісторыі (1872, Пскоў, Крэмль, 6). У 1881 годзе склаў праект інтэр’ераў, іканастаса Крыжовай царквы Пскоўскага Архіерэйскага дома[3].
У 1858-60 гадах займаўся рэканструкцыяй Палаца Абрамовічаў(руск.) бел. у Вільнюсе.