Аніта Уладарчык (польск.: Anita Włodarczyk; нар. 8 жніўня 1985, Равіч, Польшча) — польская кідальніца молата, трохразовая алімпійская чэмпіёнка (2012, 2016, 2020), трохразовая чэмпіёнка свету і трохразовая чэмпіёнка Еўропы. Пяць разоў (у 2009, 2010, 2015 і двойчы ў 2016 годзе) усталёўвала новы сусветны рэкорд па кіданні молата. Яна першая ў гісторыі жанчына, якая кінула молат больш чым на 80 метраў; у цяперашні час ёй належыць сусветны рэкорд сярод жанчын — 82,98 м. Станам на 2020 год ёй належаць усе 15 найлепшых вынікаў у кіданні молата сярод жанчын і 27 з 30 найлепшых.