wd wp Пошук: ⬜

Антон Хрысціян Банг

Антон Хрысціян Банг (нарв.: Anton Christian Bang; (18 верасня 1840, Дзёна, Хельгелан, Нурлан, Нур-Норгэ, Нарвегія — 29 снежня 1913) — нарвежскі дзяржаўны і палітычны дзеяч, царкоўны гісторык, лютэранскі тэолаг, педагог, доктар багаслоўя, прафесар (1885), пастар, епіскап Осла (1896—1912). Вядомы дзеяч Нарвежскай лютэранскай царквы. Міністр адукацыі Нарвегіі (1893—1895).

Біяграфія

У 1862 годзе паступіў ва ўніверсітэт у Хрысціяніі, які скончыў у 1867 годзе кандыдатам багаслоўскіх навук, у 1878 годзе атрымаў ступень доктара багаслоўя. З 1880 года — выкладач практычнага багаслоўя. Прафесар з 1885 года.

Сябра Кансерватыўнай партыі Нарвегіі. Міністр па справах культуры і царквы Нарвегіі (1893—1895) у кабінеце прэм’ер-міністра Эміля Станга (старэйшага). Сябра Дзяржаўнага савета ў 1895 годзе.

Епіскап Осла (1896—1912). Як епіскап падтрымліваў цесныя сувязі з каралеўскім домам Нарвегіі, узначальваў некалькі нацыянальных нарвежскіх місій, у тым ліку, на адкрыцці нямецкай Рэдэмптарысцкай грэка-каталіцкай царквы ў Іерусаліме 1898 годзе.

Аўтар некалькіх вялікіх прац, у тым ліку, біяграфіі прапаведніка, заснавальніка хаўгеанства Ханса Нільсэна Хаўге. Асноўны ўклад зрабіў як царкоўны гісторык, унёс вялікі ўклад у даследаванні нацыянальных рэлігій.

Выбраныя працы

«Г. Н. Хаўге (Hauge) і яго час» (Хрысціянія, 1879);
«Царква і рымская дзяржава да Канстанцінопаля» (1879),
«Велуспа і Сівіліны аракулы» (1879);
«Погляд на гісторыю нарвежскай царквы пасля рэфармацыі» (1883).

Узнагароды

Камандор з зоркай Ордэна Святога Олафа (1895)

Зноскі

1 2 Anton Christian A. Chr. Bang // Norsk biografisk leksikon — Kunnskapsforlaget. Праверана 9 кастрычніка 2017.
1 2 (not translated to no) Stortinget og statsraadet: 1814-1914. B. 1 D. 2 : Biografier L-Ø : samt tillæg — 1914. — С. 978.

Спасылкі

Антон Хрысціян Банг // Энциклопедический словарь Брокгауза и Ефрона: В 86 томах (82 т. и 4 доп.) (руск.) . — СПб., 1890—1907.
Anton Christian Bang(нарв.)