Антон Маўвэ (нідэрл.: Anton Mauve; 18 верасня 1838, Зандам — 5 лютага 1888, Арнем) — галандскі мастак-пейзажыст.
У 16-гадовым узросце А. Маўвэ паступіў у навучанне да мастака-анімаліста Пітэра Фрэдэрыка ван Оса, і маляваў сцэнкі з авечкамі, каровамі і канямі. Любімая тэма маладога мастака — коні. Карыстаўся падтрымкай Паўля Ё. К. Габрыэля. Дзякуючы свайму выбару вельмі простых сюжэтаў, якія Маўвэ выконваў як правіла ў шэрых ці серабрыстых танах, ён аказаўся адным з найлепшых акварэлістаў Гаагскай школы. Адным з найбольш частых сюжэтаў на карцінах А. Маўвэ была выява сельскага пейзажу з каровамі, авечкамі і канямі.