Антон Веберн (3 снежня 1883, Вена - 15 верасня 1945, Мітэрзіль, каля Зальцбурга) — аўстрыйскі кампазітар і дырыжор. Вывучаў музыказнаўства ў Венскім універсітэце пад кіраўніцтвам Г. Адлера (1902-06), кампазіцыяй займаўся у А. Шэнберга (1904-08). З 1908 працаваў як оперны і сімфанічны дырыжор у гарадах Аўстрыі і Германіі, а таксама ў Празе. У 1928-38 дырыжор аўстрыйскага радыё, звольнены з гэтай пасады пасля замацавання нацысцкага рэжыму ў Аўстрыі.