Антверпенская ратуша
Гарадская ратуша ў Антверпене — цэнтральны твор нідэрландскага Адраджэння і адзін з першых рэнесансных будынкаў на поўначы Еўропы. Пабудаваны ў 1561-65 гг., калі Антверпен быў гандлёвай сталіцай Еўропы, па праекце мясцовага архітэктара Карнеліса Флорыса. Распрацаваная Флорысам сістэма дэкаратыўнай арнаментыкі («Florisstil») аказала значны ўплыў на развіццё бельгійскай (фламандскай) мастацкай традыцыі.
Чатырохпавярховы будынак, які стаіць на галоўнай плошчы горада, арганічна спалучае элементы, запазычаныя ад італьянскіх маньерыстаў, з фламандскай традыцыяй будаўніцтва шматпавярховых гатычных ратуш. Ніжні паверх рустыраваны, верхні паверх — скразны (гульбішча). Ратуша пышна ўпрыгожаная геральдычнымі знакамі Антверпенскага маркграфа, іспанскіх Габсбургаў і герцагства Брабанцкага.
Падчас узяцця Антверпена іспанцамі (1576) ратуша выгарэла амаль дашчэнту. Стылізаваныя пад даўніну інтэр’еры з’явіліся ў сярэдзіне XIX стагоддзя (арх. П’ер Бруна Бурла).
Зноскі
Спасылкі
-
На Вікісховішчы ёсць медыяфайлы па тэме Антверпенская ратуша
Катэгорыя·Сусветная спадчына паводле алфавіта
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Катэгорыя·Ратушы Бельгіі
Катэгорыя·Паўночнае Адраджэнне
Катэгорыя·Сусветная спадчына ў Бельгіі
Катэгорыя·Антверпен
Катэгорыя·З’явіліся ў 1565 годзе
Катэгорыя·Славутасці Бельгіі
Катэгорыя·Вікіпедыя·Артыкулы з крыніцамі з Вікідадзеных