У Вікіпедыі ёсць артыкулы пра іншых асоб з прозвішчам Фядорчанка. Анатоль Паўлавіч Фядорчанка (18 верасня 1939, с. Іванапілля, Касцянтыніўскі раён, Данецкая вобласць) — беларускі архітэктар.
Скончыў Кіеўскі інжынерна-будаўнічы інстытут у 1964 годзе. Працаваў у Кіраваградскім філіяле Укргарбудпраекта, з 1970 года — у Мінскпраекце, з 1971 года — старэйшы архітэктар, галоўны архітэктар праектаў, намеснік начальніка аддзела падрыхтоўкі і арганізацыі праектавання ў Белдзіпрагандлі.
Член Саюза архітэктараў СССР з 1970 года. Пражывае ў Мінску.
Асноўныя працы: праекты рэканструкцыі гандлёва-грамадскіх будынкаў Кіраваграда (1966—1970), гандлёва-грамадскага цэнтра ў Брэсце (1974—1978, у аўтарскім калектыве), рэканструкцыя і абсталяванне рэстарана «На ростанях» у Мінску (1980, у аўтарскім калектыве).