Анатоль Дзмітрыевіч Папанаў (31 кастрычніка 1922, Вязьма — 7 жніўня 1987, Масква) — расійскі акцёр тэатра і кіно. Народны артыст СССР (1973). Лаурэат Дзяржаўнай прэміі Расіі (1966), Дзяржаўнай прэміі СССР (1989 — пасмяротна). Удзельнік Вялікай Айчыннай вайны.
Нарадзіўся 31 кастрычніка 1922 года ў Вязьме. У 1930 годзе разам з бацькамі пераехаў у Маскву. Скончыў інстытут тэатральнага мастацтва (1946). З 1947 года працаваў у Клайпедскім тэатры, з 1949 — у Маскоўскім тэатры сатыры. Агучваў мультфільмы (Воўк у серыяле «Ну, пачакай!», 1969—81). Памёр 7 жніўня 1987 года ў Маскве. Пахаваны ў Маскве на Новадзявочых могілках.