У Вікіпедыі ёсць артыкулы пра іншых асоб з прозвішчам Люцко. Анатоль Андрэевіч Люцко (4 жніўня 1952, Віцебск) — беларускі мастак.
Скончыў мастацка-графічны факультэт Віцебскага педагагічнага інстытута (1979). Вучыўся ў Фелікса Гумена, І. Сталярова. Удзельнік мастацкіх выставак з 1982 г. Працуе пераважна ў станковым жывапісе і графіцы.
Асноўныя творы: пейзажы «Ветраны дзень», «Віцебск», «Мой горад», «Лепель», «Ранішняе святло», «Парушэнне экалогіі»; кампазіцыі «Спрэчка», «Імправізацыя», «Яны ідуць», «Вяртанне», «Блакітнае імгненне», «Адраджэнне», «Датыкненне»; партрэты «Дзяўчына ў белым берэце», «Аўтапартрэт», «Партрэт дзяўчыны»; нацюрморт «Бэз». Член Саюза мастакоў з 1994 г. Жыве ў Віцебску.