Анатоль Аляксандравіч Мардовіч (нар. 8 сакавіка 1934 года, пас. Чырвоны Сцяг, цяпер — пас. Чарніцкі, Смалявіцкі раён) — беларускі дыпламат, кандыдат эканамічных навук (1964).
У 1957 годзе скончыў Беларускі дзяржаўны інстытут народнай гаспадаркі імя В. У. Куйбышава. З 1968 да 1974 года міжнародны стужбоўца ў Сакратарыяце ААН. З 1983 да 1991 старшыня аддзела міжнародных арганізацый і член Калегіі Міністэрства замежных спраў. 27 студзеня 1993 года быў прызначаны Надзвычайным і Паўнамоцным Паслом Рэспублікі Беларусь у Швейцарскай Канфедэрацыі [1]. Быў адстаўлены з гэтай пасады 29 верасня 1994 года[2].