Анатоль Іванавіч Карпік (12 мая 1922, в. Патрубаўшчызна[en], Беластоцкае ваяводства, Польшча — 28 лютага 1995) — беларускі ўрач-хірург. Доктар медыцынскіх навук (1979), прафесар (1980).
Скончыў Віцебскі дзяржаўны медыцынскі інстытут (1950).
Працаваў у Сапоцкінскай раённай бальніцы (Гродзенская вобласць; 1950—1956, загадчык хірургічнага аддзялення), Гарадской клінічная бальніцы № 1 г. Гродна (1956—1960, урач-хірург), Гродзенскім дзяржаўным медыцынскім інстытуце (з 1960, прафесар каферы агульнай хірургіі).
Навуковыя інтарэсы: актуальныя праблемы экстраннай і планавай хірургіі; дыягностыка; прафілактыка і лячэнне інфекцыйных ускладненняў у пасляаперацыйны перыяд; сасудзістая хірургія.